【教會消息】1/24 除夕圍爐家庭禮拜程序

【2020年淡水教會除夕圍爐家庭禮拜程序】

1/24（五）暗時佇各自家庭舉行，由家長或由家長指派一位家人主理

一、聖詩第222 首 上帝做阮代代幫助
1.上帝做阮代代幫助，也做將來向望，
互阮閃避大湧風颱，永安穩所在。
2.光陰啲過親像大水，一盡互伊流去，
功名富貴宛然眠夢，實在攏是空空。
3.上帝做阮代代幫助，閣做將來向望，
遇著艱苦求祢照顧，做阮永遠門戶。阿們。

二、祈禱
創造宇宙萬物，掌管人類歲月的上帝，佇舊的一年的二九暝，阮全家圍壘作伙，抱著感恩的心情，紀念過去一年中，祢賞賜互阮的種種恩惠，向祢獻上阮的祈禱與謳咾；也求祢賜福佇阮全家，互阮善用祢賜落的歲月，一生忠實事奉祢，通活出水的見證通榮耀上帝的聖名。按呢祈禱攏是靠主耶穌尊名，阿們。

三、聖經
a.以賽亞書40：31
獨獨倚靠耶和華者欲得著新的氣力。in欲親像鷹鳥展翅飛高；in走亦無厭，行亦無倦。
b.哥林多前書16：13
恁著警醒，徛在佇信，做大丈夫，做勇健。

四、分享
1.分享2019年中一件尚蓋感恩的代誌。
2.分享未來一年的目標，思考甘有符合上帝的心意。
3.回想厝內「2019年三件家庭大事件」；並且分享你個人的感想。

五、默想
兄弟啊，我無掠家己做已經得著，獨獨專務一項，就是記得後面的事，致意頭前的事，向所插的標來走，到得著上帝佇基督耶穌對頂面召咱的賞。（腓立比書 3：13～14）

六、代禱
1.身體狀況：願上帝賜福親人新的一年中，身心靈攏健康、平安。
2.工作（學業）情形：
成人：求主賜福佇職場工作的親人殷勤作工，而且要從勞碌中
享受所得的。
學生：願厝內的青年、細子通敬畏耶和華是智慧的開端。
3.內心世界：願主的內心有主的真光照入，趕散咱心靈中的黑
暗，進一步活出更健康、更剛強、更喜樂。
4.人際關係：盼望主上帝的愛疼臨到佇阮每一人，佇新的一年
中，盡力及眾人和睦相處，相親相疼、互相扶持和祝福。
5.屬靈方面：求主保守咱每一個人的靈命，可以被救離開罪惡的
綑綁和拘束，進入到佇光明中領受永遠的福份。

七、聖詩第397首 願主賜福保護你
願主賜福保護你，願上帝的榮光遍照你，
也用慈悲款待你，願主上帝常常看顧你，賞賜你平安。

八、祝福－請家長或家中最年長的基督徒作祝福禱告
慈愛的天父，今暝承受祢的大恩，互阮全家通聚集佇祢面前，為著安呢阮滿心感謝；願阮的祈禱與謳咾，可以攏擺列佇祢面前，求祢悅納。佇過去的歲月中，阮所犯的罪過，違背主的教示有多多罪惡，求主饒恕；我們也立下決志，靠主的慈悲憐憫，互阮通佇新的一年中盡心、盡性和盡力愛主上帝，而且活出互上帝所肯定的生活。按呢所求，攏是靠主聖名祈禱，阿們。

九、團聚
1.互相拜年、擁抱，彼此祝福，行平安禮。
2.發壓歲錢（俗稱紅包）、家庭歡樂節目
3.彼此提醒明天（1/25）上午9：30準時參加教會新春稱謝禮拜。

※詩歌及經節僅供參考，各家庭亦可自選之。