2022/4/24 黃保諭牧師-做光明的兒女

【做光明的兒女】

聖經：彼得前書2：1〜9              2022.5.29.黃保諭牧師

前言

    自我介紹：1872李庥牧師為我的祖先黃香洗禮，當年鼓勵馬偕往北推，開啟北台灣的宣教，1998台神畢業前的自我期待，｢眼前黃昏的觀音山…上帝的話細意傳｣。

    耶穌呼召十二位學生，噯亻因棄拺一切來跟隨。｢棄拺｣是為著專注，咱現在用手機網路直播禮拜嘛噯專心，離開一切會纏絆咱的代誌，包括手邊重要的工作及生意。因為咱欲全心全意領受上帝的話的養飼，得到供給、成長及得著救。

    不知恁是否曾看見家己靈命的需要？開始尋找滿足及養飼，靈性胃口不斷增加，靈性漸漸成熟。這時陣讀聖經會是無比享受。我人生有這款經驗，聖經讀著創作歌來唱，｢阮的日子｣、｢賜福的上帝｣、｢主耶和華是我的氣力｣等。咱來看上帝的話按怎幫助咱做光明的兒女。

重新起造

    佇上帝拯救計畫中，受棄拺的耶穌成作上帝國厝角頭的石，尊貴無比。上帝將救主耶穌放在最重要的所在，是欲作根基的，是通過試驗的，欲互人有信心的。當彼得認出復活的耶穌是基督時，耶穌講：｢你是彼得，我欲將我的教會起造佇你這塊石磐頂。｣教會是起造佇忠信兄姊的信仰頂面。你我都可以是教會的柱石。

    彼得將教會譬喻作聖神的殿，閣用活石(溪水中滾動的砂石仔；蘭陽隨記)的概念應用在基督身上，再次表明基督是教會的基石，每個信徒也攏扮演重要角色。教會通過咱活起來，表示佇起造的過程中，兄姊有找到真實的家己。

找到真實的家己

    今日的社會高舉個人色彩及多元價值，咱真容易忘記家己及其他兄姊噯彼此幫助。上帝呼召咱完成祂的使命，亦邀請其他兄姊及咱同工，將逐人的恩賜連結起來，使氣力加倍，作夥起造上帝健康的教會。

    教會這個大家庭，只有同心經營才會凍找到真正屬於家己的定位；逐人投入佇服事，才會發揮尚大的作用。每一位信徒攏著成作聖潔的祭司，通過家庭生活、社會工作及教會服事，將家己當作活祭來獻互上帝，這就是佇傳福音作見證。韓國三一教會短宣隊一年兩次來三星教會，已經十幾年。激勵教會青少年寒暑假進入附近國小佈道；每週六MEBIG社區學童敬拜；連續8年差遣福音隊去花蓮偏鄉作工，留下真媠的宣教腳蹤。

活出光明的兒女

    真多兄姊攏有佇教會受傷的經驗，來自教會兄姊的傷害真厄修補。看輕別人，看家己比別人卡敖。咱受召是欲出黑暗入光明，毋是欲落入對立、紛爭、撕裂及傷害的羅網。法國文學家雨果的《悲慘世界》約翰．華爾金年紀很小就是個孤兒，互阿姊撫養大漢，姊夫死了後撫養七個年幼子女的責任就落佇他身上。佇一個冬天暗暝，孩子肚子餓求討，他用拳頭母打破麵包店的窗子，偷麵包轉去互孩子吃。隔天就互警察抓去了。

    他互人關佇一艘船頂，想辦法逃走閣偷拿，佇船頂做十九年的苦工。出監獄時，他的心變更加鋼硬，親像一隻豺狼。他要租厝飲食，攏不受歡迎。後來一位牧師接納他，邀請他作夥住閣請他喫晚餐，｢不要客氣，這是基督的厝，你是我的兄弟。｣

    喫飽後休睏到半暝，約翰心一狠，偷走貴重的銀刀叉餐具，透暝逃走。隔天牧師喫早餐的時，五名士兵押著約翰閣倒轉來牧師的厝對質。牧師講：｢啊！你閣轉來，真歡喜看著你。我將燭臺送給你了，價值1200元，你怎麼沒帶走。｣｢餐具是我送他的。｣約翰：｢我真的自由了嗎？｣

    牧師：｢你通平平安安去！這扇門永遠為你開。｣｢無通未記得，你答應我用這筆錢做一個誠實的人。｣｢約翰，你無閣屬佇邪惡，你屬佇良善。我已經將你的靈魂買落來，將你從黑暗的思想和怨恨中領倒轉，然後將你交互上帝。｣

    耶穌講：｢人看見我，就看見父。｣不知人看著你會體會甚麼是良

善，知影人生正確的道路，得著事奉的能力啊無？作人父母的，你的孩子；作老師的，你的學生；作頭家的，你的工人(員工)；當牧者的，你的羊群？人看見你，有看見父上帝的形象嗎？當咱作罪人的時，基督替咱死。下面用《找回失羊》作今日講道的結束，這是我對北海道受MEBIG訓練轉來無久所創作的歌。上帝呼召咱作光明的兒女，是欲互咱的生命有新的款式及價值。